MAYWEATHER vs PACQUIAO sa MAY 15?

Hindi na ako nagulat nang mabasa ko ang sinulat ni Mayweather sa kanyang twitter page na naghahamon kay Manny Pacquiao. "Manny Pacquiao I'm calling you out let's fight May 5th and give the world what they want to see". Yan ang twit ni Mayweather.

Nahatulan na nga si Mayweather ng pagkakulong ng 90 na araw pero sinuspindi muna ito ng Hukom dahil sa naka-book na na away laban kay Pacquiao sa ika-15 ng Mayo sa taong ito. Sabi ng hukom ay ikukulong nalang daw si Mayweather pagkatapus ng laban nila.


Dahil sa pagkasuspindi ng pagkakulong, naging mas maigi ang paghahamon ni Mayweather kay Pacquiao para labanan siya nito. Para daw maibigay nila sa mundo ang inaabangan nilang pagtutunggali.

Nang bumisita ang promoter ni Pacquiao na si Bob Arum dito sa Pilipinas ay tinalakay nila kung sino ang susunod na kakalabanin ni Pacquiao. Nanguna sa listahan nila ay sina Juan Manuel Marquez ng Mexico, Puerto Rican southpaw Tim Bradley at Amerkanong si Lamont Paterson. Pero ang listahang yun ay noong inakala nilang matutuloy na ang pagkakulong ni Mayweather ng 90 na araw na magsisimula na sana noong nakaraang linggo. Nang nalaman ni Pacquiao na nasuspindi ang pagkakulong ng naghahamong Mayweather, pinalagay na niya ang pangalan nito sa listahan.

Sa mga hindi pa alam, si Pacquiao ay meron nang 54 na panalo at 3 talo. Kasali na riyan ang 2 draw at sa 54 na panalo, 38 niyan ay Knockout. Samantalang si Mayweather naman ay merong 42 na panalo at wala pang talo. Sa 42 niyang panalo ay 26 ang knockout.